Suatu hari Si Nasrudin maminta bininya mamasak halwa, masakan dari daging nang dibari bumbu nang barasa manis. Bininya mamasak makanan nagitu dalam jumlah ganal wan Nasrudin hampir haja mamakan habis samuaan.
Malamnya, Pas bubuhannya badua sudah handak taguring, Nasrudin manggandah-gandah awak bininya.
"Eh, unda ada pamikiran nang bagus."
"Napang teh?"
"Bawa dahulu sisa halwa nang masih ada tadi. Hanyar pas ngitu unda padahi pamikiran nang ada di kapalaku."
Bini Nasrudin langsung babangun, pastu maambil sisa halwa nang langsung dimakan Sang Mullah. "Napa garang idinya"jer bininya batakun. "ulun kada kawa guring nah sabalum pian bakisah".
"Idinya tu"jer Nasrudin. "Jangan sekali-sekali guring sabalum mahabisakan sabarataan halwa nang diulah hari itu juwa".
0 comments:
Speak up your mind
Tell us what you're thinking... !